menu

БИДНИЙ ТУХАЙ

Монгол Контент ХХК нь 2007 оны 6 сарын 1-ээс эхлэн Монголын интернэтийн хэрэглэгчдэд шинэ дүр төрх, шинэ хэрэглээ бүхий Үндэсний портал GoGo.mn сайтыг танилцуулсан билээ.

Энэ хугацаанд GoGo.mn нь хамгийн хэрэгцээтэй интернэтийн үйлчилгээнүүдийг хэрэглэгчдэд таниулан хүргэснээр Монголын хамгийн өргөн хэрэглэгдэж буй портал сайт болж чаджээ.

Та бүхэн Мэдээлэл, технологийн хязгааргүй орон зайд хамтдаа аялж, Монголын цахим хэрэглээний хөгжлийг дэлхийн түвшинд хүргэхээр чармайн ажиллаж буй Үндэсний Портал GoGo.mn-д тавтай морилж, тухлан саатна уу.

Хэрэглэгч Та GoGo.mn-д зочилсноор:

Вэб - сайтаас хэрэглэгчид дэлхийн хамгийн өргөн мэдээллийн сан бүхий хайлтын www.google.com, www.yahoo.com , www.msn.com сайтуудаас нэгэн зэрэг хайлт хийх боломжтой.
Мэдээ - хэсгээс өдөр тутмын дотоод болон гадаадын мэдээ мэдээллүүдийг текст, фото, аудио, видео хэлбэрээр үзэж, сонсож, хүлээн авах боломжтой. Бид үнэн, шуурхай, тэнцвэртэй, оюуны өмчийг дээдэлсэн, хараат бус, асуудал дэвшүүлж, гарц хайсан зэрэг зарчмыг нийтлэлийн бодлогодоо баримтлан ажилладаг.  GoGo.mn Улс төр, Эдийн засаг, Эрүүл мэнд, Боловсрол, Нийтлэл, Соёл урлаг, Миний Монгол, Хобби гэх мэт байнгын цэстэйгээс гадна томоохон үйл явдлуудтай холбоотойгоор дэд цэс үүсгэн ажилладаг.

Мөн хэрэглэгчдийн чөлөөт цаг, танин мэдэхүйд зориулан ханшийн мэдээлэл, телевизийн хөтөлбөр, зөвлөгөө, хошин шог, зурхай, үзвэр аялал, цаг агаар буланг байршуулсан.

 

Mongolia - хэсэг нь Монгол орныг гадаадад сурталчилах, үнэн зөв, бодит мэдээ мэдээллийг цаг алдалгүй эх үүсвэрээс нь Монгол орныг сонирхогч хэн бүхэнд нээлттэй байлгах, Монголд ажиллаж амьдрах, аялах боломжуудыг танин мэдэхүйн болон сонирхолтой булангуудаараа англи хэл дээр хүргэдэг. Бид хэрэглэгчдэд мэдээллийг нэг талын байр сууринаас бус, тэнцвэртэй байдлаар хүргэхийг эрхэмлэн олон тооны хэвлэл мэдээллийн байгууллагуудтай хамтран ажиллаж байна. Mongolia.GoGo.mn дэх мэдээ мэдээллийг хэрэглэгчдэд ойлгомжтой, цэгцтэй байлгах үүднээс Мэдээ, Бизнес, Амьдралын хэв маяг, My UB, Аялал гэсэн ангиллаар оруулдаг.

 

UB Map - нь Улаанбаатар хотод байрлах төрийн болон олон нийтийн байгууллагууд, байр орон сууцууд, хотын гудамж өргөн чөлөө, гэр хорооллын гудамжны хаяг байршлын хамгийн өргөн мэдээллийн санг агуулсан. Энд объектийг фото болон зураасан хэлбэрээр харах, хоорондын зайг хэмжиж, байрлалын уртраг, өргөргийн цэгийг тодорхойлох, улмаар өөрт хэрэгтэй мэдээллээ хэвлэж авах боломжтой.
Хөгжим - Монгол дуу хөгжмийг өөрийн сонголтоор сонсох, клип үзэн, караоке дуулах боломжтой хөгжмийн санг хэрэглэгчдэд санал болгож байна.
Share - Хэрэглэгч ямар ч үнэ төлбөргүйгээр 100MB хүртэл хэмжээтэй файлуудыг GoGo Share-т байрлуулан бусдад дамжуулах боломжтой. 2009 оны 7-р сараас эхлэн GoGo.mn -ийн гишүүн хэрэглэгч гар утсаа ашиглан (бүх операторын хэрэлэгчид) 20030 гэсэн тоог 159300 тусгай дугаарт илгээснээр 200МВ хүртэл хэмжээтэй файлыг 30 хоногийн хугацаатайгаар байршуулах шинэ боломжийг бүрдүүлсэн.
KIDS - Бага насныханд зориулсан хөгжилтэй тоглоом, хичээл, үлгэр, дуу зэрэг олон агуулгыг багтаасан сургалт, танин мэдэхүйн булан юм.
GoGo TV - Үйлчилгээ нь бүх төрлийн кино, ТВ нэвтрүүлэг, ШОУ тоглолт, караоке, клип зэргийг өндөр чанартай форматтайгаар санал болгож байна.

GoGo.mn нь үйлчилгээний төрөл бүртээ хэрэглэгчдийн хэрэглээг хялбаршуулсан хайлтыг оруулж өгснөөрөө онцлогтой юм. Үйлчилгээний төрлөөс хамааран категоричилсон хайлтыг хийх бүрэн боломжтой байдаг.

GoGo.mn-ийн үйл ажиллагаа, хэрэглээний түвшинг мэргэжлийн байгууллагууд, олон нийтийн санал асуулгаар үнэлэн дараах өргөмжлөлөөр шагнасан юм. Үүнд:

Зохиогчийн эрх:

Бид зохиогчийн эрх эзэмшигчидтэй албан ёсоор хамтран ажиллах гэрээг байгуулан ажилладаг ба цаашид вэб порталын үйл ажиллагааг цахим ертөнцийн хэрэгцээнд бүрнээ нийцүүлэн бусад албан байгууллага, хувь хүмүүстэй бизнесийн зарчимд тулгуурлан хамтран ажиллах бүхий л боломж нээлттэй байгаа билээ.